Ana xolos! "Real"ning 2 nafar etakchisi Ispaniya Superkubogida o‘ynay olmaydi

"Real" Madrid klubi hujumchilari Karim Benzema va Garet Beyl Ispaniya Superkubogi bellashuvlarida ishtirok etishmaydi. Bu haqda klub rasmiy sayti xabar tarqatmoqda.

Yuqoridagi manbaaga ko‘ra ikkala futbolchi ham sog‘ligida muammo his qilmoqda.

Eslatib o‘tamiz, bu safargi Ispaniya Superkubogi bahsi yangilangan formatda bo‘ladi va unda 4 ta jamoa ishtirok etadi. Saudiya Arabistonida tashkillashtiriladigan ushbu kichik turnir yarim finalida 8 yanvar kuni “Real” “Valensiya”ga qarshi, “Barselona” esa “Atletiko”ga qarshi bahs olib boradi. Juftlik g‘oliblari 12 yanvar kuni final bellashuvida maydonga tushishadi.