Ана холос! “Барса” Мессига 10 йиллик шартнома берди. Лео уни қабул қиладими?

“Барселона” раҳбарияти жамоа етакчиси Лионель Мессига 10 йиллик шартнома тақдим этдим этди. Унда аргентиналик юлдузнинг ўн йиллик фаолияти аниқ белгилаб берилган.

Агар Месси ушбу битимни имзоласа, яна икки мавсум Каталония клубида тўп тепади. Кейинги уч йилни АҚШ чемпионатида ўтказиши кўзда тутилган.

Беш йилдан кейин футболчилик фаолиятини якунлаб, яна Каталония клубига қайтади ва юқори лавозимлардан бирини қабул қилиб олади.

Мессининг амалдаги шартномаси бир ойдан сўнг якунланади. Машҳур ҳужумчи ҳали клуб таклифига ўз муносабатини билдиргани йўқ.

Мутахассислар катта эҳтимол билан Месси бу шартномани имзолашини айтмоқда. Аввалроқ, “Манчестер Сити” ҳам Мессига худди шу шаклда ўн йиллик битим таклиф қилишни режалаштираётгани ҳақида хабарлар тарқатилган эди.