Акмал Рустамов "Пахтакор"дан учралган йирик мағлубиятдан сўнг нималар деди?

Суперлиганинг 25-турида "Пахтакор" ўз уйида Қизилқумни қабул қилиб, 3:0 ҳисобида мағлубиятга учратди. Учрашувдан кейин ташкил этилган матбуот анжуманида Акмал Рустамов мағлубият ҳақида гапирди. 
 
"Пахтако"рга қарши яхши тайёргарлик кўрган эдик. Биринчи қўйилган пенальти ва қизил таъсир кўрсатди. Футболчиларга эса раҳмат. Энди эса Самарқанддаги учрашувга тайёргарлик кўрамиз". 
 
Нега жамоанинг мағлубиятлари кўпайиб кетди, бу турнир жадвалининг пастки ўринларидан юқорилагани сабаб бўлдими? 
 
"Бу асосий сабаб эмас. Ҳозирги кунда таркибимиздаги айрим асосий футболчилар жароҳатда. Бу ҳам натижаларга таъсир кўрсатмоқда. Биз мавсумни иложи борича юқорироқ ўринда якунлашни истаймиз ва ҳаракат қиламиз". 
 
Ислом Кенжабоев "Бухоро"га қарши учрашувда захирадан тушди. Бу ҳақида ҳам фикрингиз қандай? 
 
"Ислом аввал операцияни бошдан ўтказди. У ҳали тўлиқ тузалгани йўқ. Оғриғи ҳали ҳамон уни бироз безовта қилмоқда". 

 
"Пахтакор" икки голни пенальтидан урди, олдинлари Санжар Қуваттов кўпроқ пенальтини қайтарарди, бугунги ўйини ҳақида нималар дейсиз? 
 
"Ҳали пенальти берилган вазиятларни кўриб чиқмадим. Назаримда, иккинчи 11 метрлик жарима зарбаси берилиши керак эмас эди. Шунингдек, "Пахтакор"ни ғалаба билан табриклайман. 11 метрлик жарима зарбаси албатта тепаётган футболчига ва дарвозабонга боғлиқ ҳеч нарсани билиб бўлмайди". 
 
Мавсум якунланмоқда баъзи жамоаларда мотиватсия йўқолмоқда, жамоанингизда ушбу ҳолат қандай кечмоқда? 
 
"Аввал айтганимдек, биз ҳар бир учрашувга ғалаба қозониш учун майдонга тушамиз. Сўнгги учрашувларда эса жароҳат бироз халақит бермоқда".