Abramov Arveladzega qarshi. "Paxtakor" chempionlikni "Bunyodkor" maydonida hal etishga qodirmi?

Bugun Coca Cola Superliga 18-turidan o‘rin olgan "Bunyodkor" hamda "Paxtakor" jamoalari o‘rtasidani qoldirilgan o‘yin bo‘lib o‘tadi. 17:00 da start oladigan ushbu uchrashuvdan onlayn matnli translyatsiyani saytimiz orqali kuzatib borish imkoniga egasiz.

Ayni vaqtda "sherlar" 56 ochko jamg‘argan holda turnir jadvalida 1-o‘rinni egallab turibdi. Shota Arveladze shogirdlarini quvib kelayotgan "Nasaf" hisobida 46 ochko mavjud. Agarda, bugungi bellashuvda "Paxtakor" g‘alaba qozonsa, chempionat tugashiga 4 tur qolganida chempionlikni qo‘lga kiritadi.