Зидан: "Ювентус"ни бошқаришни эмас, унга қарши ўйин ҳақида ўйлаяпман

Мадриднинг “Реал” клуби бош мураббийи Зинедин Зидан “Ювентус” билан бўладиган ЕЧЛ чорак финал илк учрашуви олдидан ўз фикрларини билдириб ўтди. Шу ўринда у туринликларни бошқариш ҳақидаги саволларга ҳам жавоб бериб ўтди.

Ўйин бугун, 3 апрел куни Туринда бўлиб ўтади.

– Турин ҳақида ажойиб хотираларим бор, аммо ҳозир “Реал” мураббийиман ва фақатгина ўйин ҳақида ўйлаяпман. Ҳеч қачон “ҳеч қачон” дема, бироқ ҳозир бу ерда эканлигимдан мамнунман. Айни дамда фақат “Реал” ўйлашим зарур, келажак ҳақида эмас, – дейди Зидан Football Italia нашрига.