"Ювентус" ҳам Уилшер учун курашга қўшилди

Туриннинг "Ювентус" клуби "Арсенал" ярим ҳимоячиси Жек Уилшерга қизиқа бошлади. Бу ҳақда Football Italia нашри хабар бермоқда.

Унг кўра Турин супер клуби ёзда “канонирлар” билан шартномаси якунланиб, эркин агентга айланадиган 26 ёшли англиялик футболчини ўз сафига қўшиб олмоқчи. Айтиш керакки Уилшерга шунингдек А Сериянинг бошқа бир клуби “Милан” ҳам даъвогарлик қилмоқда.

Маълумот учун, Уилшер жорий мавсум “Арсенал” сафида жами 32та учрашувда иштирок этиб, ўз ҳисобига 2та гол ҳамда 5та голли узатма ёздириб қўйишга эришган.