"Yuventus" 2 nafar asosiy futbolchisidan ayrildi

Turinning"Yuventus" klubi kecha UEFA Chempionlar ligasi guruh bosqichining ilk turida "Valensiya"ga (2:0) qarshi bo‘lib o‘tgan o‘yinda o‘zining 2 nafar asosiy tarkib futbolchisidan ayrildi.

Calciomercato nashrining xabar berishicha shu kuni “keksa sinora” yarim himoyachilari – Sami Xedira va Duglas Kostalar jarohat olishgan. Hozircha ushbu futbolchilarning qachon safga qaytishi noma’lum bo‘lib qolmoqda. O‘tkaziladigan tibbiy tekshiruvlardan so‘ng germaniyalik va braziliyalik futbolchilar qachondan maydonga tushishlari mumkinligi aniq bo‘ladi.