Вальверде Паулиньодан қутулмоқчи

Каталониянинг "Барселона" клуби бош мураббийи Эрнесто Вальверде жамоа ярим ҳимоячиси Паулиньо билан хайрлашмоқчи.

Берилган маълумотларга қараганда 29 ёшли бразилиялик футболчи катта эҳтимол билан ёзда трансферга қўйилади. Вальверденинг бундай қарорга келишига Паулиньонинг мавсумнинг иккинчи ярмида кўрсатаётган омадсиз ўйинлари сабаб бўлган.

Маълумот учун, Паулиньо "Барселона" сафига ўтган ёз Хитойнинг "Гуанчжоу Эвергранд" клубидан келиб қўшилган эди.