Усэйн Болтнинг футболдаги илк расмий жамоаси қайси бўлиши маълум бўлди

Бундан аввал ямайкалик машҳур спринтер Усэйн Болтнинг футболчилик фаолиятини бошлаб юборгани ҳақида хабарлар берилган эди.

Маълумотларга кўра 32 ёшли атлет айни дамда Австралиянинг "Сентрал Кост Маринерс" клуби сафида кўрикдан ўтмоқда. Болт 6 ҳафта давомида ушбу клуб сафида кўрикда бўлади. Таъкидлаш керакки, томонлар ўзаро шахсий келишувга эришиб бўлишган. Агар Болт кўрикдан муваффақиятли ўта олса, Австралия клуби у билан шартнома имзолайди.

Эътиборлиси, футболчининг 70% маоши клуб томонидан тўланса, қолган 30% Австралия футбол федерацияси томонидан тўланади.