Усэйн Болтга Америка клуби қизиқиш билдирмоқда

Афсонавий спортчи, қисқа масофага югуриш бўйича жаҳон рекордчиси ямайкалик Усэйн Болт енгил атлетикадаги фаолиятини тугатгач бир қатор футбол клублари унга қизиқиш билдирмоқда. 

Маълумки, Болтнинг ўзи футболга қизиқади ва бир қатор гранд жамоалар билан машғулотлар олиб борган. Айнан мана шу факторлар асосида "Лас-Вегас Лайтс" жамоаси раҳбари Усэйнни ўз жамоаси таркибида кўрмоқчи. 

"Албатта, бизда унга нисбатан қизиқиш бор. Ахир бундай спортчига нисбатан қандай йўқ бўлсин?! У дунёдаги энг тез одам. Кўп жамоаларда машғулот қилди. У жамоамизга қўшилса, АҚШ олий дивизионига ҳам чиқиб олишимизга катта ёрдам берармиди", – дейди клуб раҳбари.