“Tottenxem” portugaliyalik futbolchi uchun kurashga qo‘shildi

“Valensiya” klubining o‘ng qanot himoyachisi Joau Kanseluga o‘z faoliyatini Angliya chempionatida davom ettirishi mumkin. Bu haqda O Jogo nashri ma’lum qilmoqda.

Ma’lumolarga ko‘ra, Londonning “Tottenxem” klubi Portugaliya terma jamoasi futbolchisiga qiziqmoqda. 23 yoshli futbolchiga, shuningdek, “Yuventus” qiziqish bildirgan.

“Tottenxem” Joau Kanseluni “Manchester Siti”ga o‘tib ketgan Kayl Uoker o‘rinbosar sifatida qaramoqda.