Тер Штеген Неймарнинг "Барселона"га қайтиши борасидаги хабарларга муносабатини билдирди

Каталониянинг “Барселона” клуби дарвозабони Марк-Андре тер Штеген собиқ жамоадоши Неймарнинг яна “Камп Ноу”га қайтиши мумкинлиги борасидаги миш-мишларга ўз муносабатини билдириб ўтди.

“Мен Неймар билан нималар содир бўлишини билмайман. Лекин, бир нарсани аниқ айтишим мумкинки, у билан муносабатларимиз жуда яхши. Жамоамизда кучли футболчиларнинг бўлгани яхши, аммо мен бу борадаги муҳокамада иштирок этмоқчи эмасман.

Агар у қайтса хурсанд бўламанми? Жавобим жудаям оддий, чунки бутун жамоадагилар таркибда кучли футболчи бўлишини ва уларнинг ёрдами билан совринлар қўлга киритишни хоҳлашади. Жамоамиздаги барча футболчилар фақат бир мақсад сари интилишади”, - дейди германиялик посбон.

Эслатиб ўтамиз, Неймар ПСЖ сафига 2017 йил "Барселона"дан кўчиб ўтган эди.