Таэквондочимиз ўсмирлар Олимпиадасига йўлланма олди

Хабар берганимиздек, Туниснинг Хаммамет шаҳрида таэквондо бўйича йирик халқаро турнир бўлиб ўтмоқда. Ушбу мусобақанинг биринчи кунги беллашувлари вакилларимиз учун омадли якунланди. 

Йигитлар ўртасида 48 килограмм вазн тоифасида баҳс олиб борган Улуғбек Рашидов барча рақибларини мағлубиятга учратиб, октябрь ойида Аргентинада бўлиб ўтадиган учинчи ўсмирлар Олимпиадасига йўлланма олди. Афсуски, бугун даянда куч синашган бошқа вакилларимиз Мадинабону Маннопова (-49 кг), Феруза Содиқова (-63 кг) ҳамда Абдулазиз Ҳамидуллаев (-73 кг) Олимпиада лицензияси учун курашни эрта тарк этишди.