Superliga o‘yinlari qachondan davom ettiriladi?
Professional futbol ligasi “Sport” telekanali bilan kelishgan holda Pepsi Superliganing 16-turi vaqtlari hamda 14-tur bellashuvlarining sanasi hamda vaqtlariga oydinlik kiritib oldi. Bu haqda tashkilot rasmiy sayti xabar bermoqda.
Qayd etish kerak, 14-tur O‘zbekiston termasining Urugvayga qarshi o‘yini sabab qoldirilgandi.
16-tur bellashuvlari avvaldan belgilab qo‘yilganidek, 8—9 iyul kunlari bo‘lib o‘tadi. Bunda ob-havoning issiqligidan kelib chiqib, o‘yinlarning 19:00 dan erta boshlanmasligiga e’tibor qaratilgan.
8 iyul, yakshanba
19:00 “Paxtakor” — “Buxoro” (live)
20:00 AGMK — “Neftchi” (yozib olib)
21:00 “Nasaf” — “Navbahor” (live)
9 iyul, dushanba
19:00 “Qo‘qon-1912” — “Lokomotiv” (live)
20:00 “So‘g‘diyona” — “Metallurg” (yozib olib)
21:00 “Bunyodkor” — “Qizilqum” (live)
O‘zbekiston Kubogi formatiga kichik o‘zgartirish kiritilgani haqida ma’lum qilingandi. Rejaga ko‘ra, chorak final o‘yinlari 12—13 iyul kunlari o‘tkazilishi kerak edi. Endi esa kubok bahslari kuzga qoldirilgan:
1/4 final — 17—18 sentyabr
1/2 final — 27 sentyabr
Final — 28 oktyabr
1/4 finalga qur’a tashlash marosimi 9 iyul kuni bo‘lib o‘tadi va u “Sport” telekanalida jonli ko‘rsatiladi. Rejaga ko‘ra, qur’a marosimiga “Milliy stadion” mezbonlik qiladi. Marosim “Bunyodkor” — “Qizilqum” o‘yini tanaffusida bo‘lib o‘tishi rejalashtirilgan.
Urugvayga qarshi o‘rtoqlik o‘yini sabab qolib ketgan 14-tur esa endilikda 12—13 iyul kunlari bo‘lib o‘tadi (kubokning chorak final uchun rejalashtirilgan sanasida).
12 iyul, payshanba
19:00 “So‘g‘diyona” — “Buxoro” (live)
20:00 “Bunyodkor” — “Neftchi” (yozib olib)
21:00 AGMK — “Paxtakor” (live)
13 iyul, juma
19:00 “Lokomotiv” — “Navbahor” (live)
20:00 “Qo‘qon—1912” — “Metallurg” (yozib olib)
21:00 “Nasaf — Qizilqum” (live)
22-turgacha bo‘lgan o‘yinlar taqvimi esa tez orada ma’lum qilinadi. Bunda Professional futbol ligasi O‘FA hamda MOQ rahbariyatining Osiyo O‘yinlari bo‘yicha talabidan kelib chiqib, o‘yinlar sanalariga o‘zgartirish kiritadi.
Fikrlar