Шоҳжаҳон Эргашев навбатдаги рақибини ҳам нокаутга учратди

Ўзбекистонлик иқтидорли профессионал боксчи Шоҳжаҳон Эргашев бугун АҚШнинг Чикаго шаҳрида ўзининг 15-жангини ўтказди.

Ушбу жангда ҳамюртимизга америкалик Зака Рэмси рақиблик қилди. Саккиз раундга мўлжалланган жанг биринчи раунддаёқ якунланди. Боксчимиз илк раундда рақибини нокаутга учратди.

Маълумот учун, Рэмси проф рингда 13 та жанг ўтказиб, уларнинг 8 тасида ғалаба қозонган (4 таси нокаут билан). 5 маротаба мағлуб бўлган (3 маротаба нокаутга учраган).

Шоҳжаҳон учун эса бу 15-жангдаги 15-ғалаба бўлди. У жангларининг 14 тасида рақибларини нокаутга учратган.