Sergey Lushchan: Endi o‘tish turniridagi raqibimizni kutamiz

Pepsi Superliga 31-turidan o‘rin olgan “Qo‘qon-1912” – “So‘g‘diyona” uchrashuvidan keyingi matbuot anjumanining birinchi qismida mehmonlar ustozi Sergey Lushchan va “So‘g‘diyona” etakchilaridan biri Elyor Orifovlar ishtirok etishdi. Bu haqda Qo‘qon klubi matbuot xizmati xabar bermoqda.

Sergey Lushchan: Bugungi bahsda bizga g‘alaba zarur edi. O‘yinni himoyadan olib bordik. Bugun qarshi hujumda o‘ynadik. Bir qator vaziyatlarga ega bo‘ldik. Endi pley-offga tayyorgarlik ko‘ramiz. O‘tish turniridagi raqibimizni kutamiz.
Sanjar Rashidov akasidan kam bo‘lmagan iqtidorga ega. O‘ylaymanki mehnat qilishda davom etsa, O‘zbekistondan yana bir futbol yulduzi chiqadi.

Elyor Orifov: Bugungi o‘yinga yaxshi tayyorgarlik ko‘rgandik. Qarshi hujumda samara keltirishga harakat qildik.Himoyaga ko‘proq etibor qaratdik. Hujumga o‘tishda ozgina oqsadik. Keyingi o‘yinlarda g‘alaba qozonish uchun maydonga tushamiz.