"Пахтакор" - "Насаф" (4:0) ўйини видеошарҳи

Учрашувда тўлиқ ташаббусга эга бўлган тошкентликлар юзага келтирилган вазиятларнинг тўрттасидан унумли фойдаланди. Биринчи гол 36-дақиқада урилди. Абдураҳимовнинг оширган тўпини Сергеев яқин масофадан боши билан дарвозага йўллади. Танаффусга мезбонлар кичик устунлик билан чиқиб кетди.

Иккинчи бўлимда Гонсалвеш хет-тригини нишонлади. Дастлабки икки голини у бир-бирига ўхшаш вазиятларда киритди. Стандарт ҳолатлардан сўнг Исмаэль ҳимоячилардан чаққонроқ ҳаракат қилди ва дарвозани ишғол қилди. Учинчи тўпини эса пенальтидан киритди. Рақиб тўпни қўл билан ўйнагани учун белгиланган 11 метрлик жаримадан у аниқ фойдаланди.

Қуйида эса мазкур беллашувда киритилган голлар ва юзага келган хавфли вазиятларни акс этган видеолавҳани томоша қилиш имконига эгасиз.