"Насаф" тарбияланувчилари Қатардаги турнирни мағлубият билан бошлашди

“Насаф” футбол мактабининг турли ёшдаги тарбияланувчиларидан таркиб топган жамоалари айни дамда Қатарда бўлиб ўтаётган халқаро турнирда иштирокини бошлашди.

Кеча мазкур жамоалар турнир мезбонлари – “Aspire” академияси тарбияланувчиларига қарши майдонга тушишди ва уларнинг барчасида имкониятни бой беришди, дея хабар беради клуб расмий сайти.

Учрашувда натижалари билан танишинг.

“Aspire” (U-18) – “Насаф” (U-18) 2:0

“Aspire” (U-17) – “Насаф” (U-17) 3:0

“Aspire” (U-15) – “Насаф” (U-15) 2:2. Пенальтилар серияси: 3:1

Бугун ёш футболчилар Туниснинг “Etoulie Du Sahel” академияси тарбияланувчиларига қарши майдонга тушишади.