"Наполи" президенти клуб мухлисларини танқид қилди

Италиянинг "Наполи" клуби президенти Аурелио Де Лаурентис жамоа ишқибозларини кескин танқид остига олди.

“Улар мени трансферлар учун миллионлар сарфлашимни хоҳлашади, аммо, ўзлари сохта футболкалар сотиб олишади”, - дейди Де Лаурентис La Gazzetta dello Sport нашрига берган интервьюсида.

Эслатиб ўтамиз, “Наполи” жорий ёзги трансферлар даврида ҳимоячи Кевин Малькюи, хавбек Фабиан Руис ва ҳужумчи Симоне Вердиларни сотиб олди.