Murodjon Ahmadaliev chempionlik kamarini himoya qiladi

Professional ringda muvaffaqiyatli yurishini davom ettirayotgan hamyurtimiz Murodjon Ahmadaliev navbatdagi jangini 24 noyabr kuni o‘tkazadi.

Joriy yilning 23 avgust kuni u chililik RAmon Kontrerasga (15-7-0, KO6) qarshi ringga chiqib, WBA chempionlik kamarini qo‘lga kiritgan edi.

Endi bokschimiz bo‘lajak to‘qnashuvda ana shu kamarni himoya qiladi. Mazkur qarama-qarshilikda unga amerikalik tajribali bokschi Isaak Zarate (16-3-3, KO2) raqiblik qiladi.

Eslatib o‘tamiz, Murodjon professional ringdagi faoliyatini joriy yilning mart oyida boshlagan va shu vaqtga qadar 4 ta jang o‘tkazib, ularning barchasida zafar quchgan. Uchtasida nokaut qayd etgan.

Bu bokschilari ishtirokidagi jang Kaliforniya shtati (AQSh)ning Atlantik shahrida tashkil etiladi. Jang 10 raund etib belgilangan.