Моуриньо нега “МЮ” трансферидан норози?

“Қизил иблислар” трансфер бозори якунланишига икки ҳафта қолган бир вақтда ўта суст ҳаракат қилмоқда ва бу ҳолат “Манчестер Юнайтед” бош мураббийини жаҳлини чиқармоқда. Хўш, нега “ўзгача” клубнинг олиб бораётган трансфер сиёсатидан норози бўлмоқда?

Янги мавсумлар одатда янги оптимистик фикрларни олиб келади. Барча яхши кунлар энди келаётганига умид қилиб, ишониб иш бошлайди. Бироқ Жозе Моуриньо янги мавсум бошланиш арафасида оптимистик қарашлардан йироқ. Унинг жамоаси Лос-Анжелесга мавсумолди тайёргарлик учрашувларини ўтқазиш мақсадида келиб қўнганидан бери, мураббий таркибда бир қатор муаммолар ўз ечимини топмаётганини айтишдан чарчамаяпти.

Биринчиси, у Жаҳон Чемпионатида унинг шогирдларидан етти нафари иштирок этгани сабабли ушбу йиғинда қатнаша олмаётганидан норози. “Мавсумолди тайёргарлик ёмон ҳолатда. Ижобий томони фақатгина ёш болаларнинг биз билан шуғулланиш учун ажойиб имкониятга эга бўлгани, холос.”

“Трансляция мутасаддилари жума кунги баҳсда биз билан яхши муносабатда бўлмади. Бу эса кўп нарсаларни мураккаблаштириб юборди. Мен безовтаман, чунки мен асосий таркибни шуғуллантирмаяпман, Премьер Лигага кўплаб футболчиларимсиз ташриф буюраман.”

Яна бир муҳим жиҳат шуки, клуб Моуриньо истаган яна икки футболчини олиб кела олмаяпти. “Бир томондан мен нимани исташим, бошқа томондан нима юз бераётгани. Менга яна икки футболчи керак.”

Қолаверса, муаммо янада йирикроқ. Олдинда қизининг битирув кечаси, жароҳатини қайталаб олган Антонио Валенсия, Маттео Дармианни қўйиб юбормаслиги бўлса, Эшли Янгнинг таътилдан эртароқ қайтиши сал кўнгилни ҳотиржам қилиши мумкин.

Шу тариқа клуб мавсумолди тайёрганрликнинг уч учрашувини дуранг билан бошлади. “Милан”га қарши 10 футболчидан еттитаси йўқлиги туфайли Моу клуб академияси тарбияланувчиларига ишонч билдиришдан бошқа чораси қолмади. Жаҳон Чемпионатида жавлон урган “қизил иблислар” клуб ихтиёрига келиб қўшилганидан тўрт кун ўтиб эса, “Олд Траффор”да “Лестер”га қарши Премьер Лиганинг биринчи тури бўлиб ўтади.

Бу масаланинг бир томони. Бошқа томони эса клуб ёзги трансфер бозори тугашига икки ҳафтадан кам вақт қолаётган бир пайтда, янги футболчиларни олиб келишда қийинчиликка учрамоқда ва бу клуб мухлислари ва Моуриньонинг ғазабига сабаб бўлмоқда.

Анча вақт олдин клуб ўз сафига Диого Дало ва Фредни қўшиб олган вақтда кўпчилик янги трансферлар ҳам шундай тезкорлик билан амалга оширилишига умид қилганди. Бироқ учинчи захира дарвозабони Ли Грант келганидан бери ишлар чаппасига кетмоқда.

Эд Вудворд ва Меттью Жадж олиб бораётган трансфер сиёсатида пул муаммо туғдирмайди. Гап фақат уларнинг ўлчовли услубни танлаганида. Қолаверса, бунга Мундиалнинг таъсири ва бу йилдан бошлаб трансфер бозори муддати ўзгаргани ҳам жиддий таъсир кўрсатмоқда.

“Қизил иблислар” яна бир марказий ҳимоячи ва ўнг қанот ярим ҳимоячисига эҳтиёж сезмоқда. Бу икки футболчи ўз позициясида тенгсиз бўлиши керак, клуб мутасаддилари эса буни рўёбга чиқаришнинг ҳозирча уддасидан чиқа олмаяпти.

Клуб бунинг учун “Тоттенхем”дан Тоби Алдервейрелдни олиб келмоқчи. Ўтган йили ҳам Вудворд “Интер” етакчиси Иван Перишични олиб келолмаганди. Моуриньо эса ўз хўжайинини ўзининг услубида танқид остига олган эди: “Мен истаганда у нега “Манчестер Юнайтед”га келмаганини билмайман” – деганди португалиялик мураббий. Бу сафарги трансфер сиёсатидан кейин “МЮ” бу таркиб билан Премьер Лига чемпионлиги учун умуман кураша олмайди.

Агарда яқин орада Вудворд клубга “ўзгача” айтган трансферларни амалга оширмаса, у аниқ танқидлар ёмғирлар остида қолиб кетади. Ўзининг клубдаги учинчи мавсумини бошлаётган Жозе Моуриньо бутун қаҳр-ғазабини клуб раҳбарияти томон йўналтириши аниқ.

Эркинжон Ғайбуллаев тайёрлади