Lopetegi Modrichning "Real"dan ketishi mumkinligi borasida nimalar dedi?

Madridning "Real" klubi bosh murabbiyi Xulen Lopetegi xorvatiyalik yarim himoyachi Luka Modrichning "Inter"ga o‘tishi borasidagi mish-mishlarga nisbatan o‘z fikrini bildirib o‘tdi.

“Modrich – “Real” futbolchisi va umid qilamanki shunday bo‘lib qoladi. Uning jamoamizda o‘ynayotgani bizga yoqadi. Bu holat davomiy bo‘lishi uchun esa qo‘ldan kelgan barcha ishni qilamiz”, - deydi tajribali mutaxassis.

Eslatib o‘tamiz, bundan avvalroq “neradzurrilar” 32 yoshli futbolchi uchun 40 mln evro taklif qilishgani haqida xabarlar tarqalgan edi. Ba’zi manbaalarga qaraganda esa Modrichning o‘zi ham “Inter”ga o‘tish istagini bildirmoqda.