Legionerlar. Javlon Guseynov gol urgan o‘yinda jamoasi mag‘lub bo‘ldi

Xabaringiz bor, kecha Javlon Guseynov Tailandning “Chainat Xornbill” klubi bilan shartnoma imzolagani borasida ma’lum qilgandik.

Ayni paytda Tailandda jamoalar yangi mavsumga tayyorgarlik ko‘rishmoqda. Shu bois klublar o‘rtoqlik o‘yinlari o‘tkazishyapti.

Javlon Guseynov to‘p tepayotgan “Chainat Xornbill” bugun mavsum oldi tayyorgarligi doirasida “Bangkok Yunayted” bilan nazorat uchrashuvi o‘tkazdi.

E’tiborlisi, hamyurtimiz ushbu bahsda jarima zarbasidan gol urdi. Ammo “Chainat Xornbill” 3:2 hisobida mag‘lubiyatga uchradi.