"Latsio" Milinkovich-Savichning maoshini oshirib, u bilan kelishuvni uzaytirmoqchi
Rimning “Latsio” klubi o‘zining serbiyalik yarim himoyachisi Sergey Milinkovich-Savich bilan amaldagi shartnomani uzaytirish borasida muzokaralarni boshladi.
Football Italia nashri tarqatgan xabarga ko‘ra agar 23 yoshli futbolchi ushbu kelishuvni uzaytirsa, uning yillik maoshi 1,8 milliondan 3 million evrogacha oshadi. Bundan tashqari unga bir qator bonuslar ham va’da qilinmoqda.
La Gazetta dello Sport nashrining yozishicha rimliklarning ushbu taklifi Milinkovich-Savichni to‘liq qanoatlantirmoqda va u “Latsio”da qolishga rozi.
Eslatib o‘tish lozimki, Milinkovich-Savichga joriy yoz «Yuventus», «Real», «Milan», «Manchester Yunayted» va PSJ kabi grandlar qiziqish bildirishdi.
Fikrlar