Жо Харт ЖЧ-2018да иштирок этмайди

Мавсумни "Вест Хэм"да ўтказган дарвозабон Жо Харт ёзда Россияда бўлиб ўтадиган жаҳон чемпионатида иштирок этмайдиган бўлди.

Sky Sports тарқатган хабарга кўра Англия терма жамоаси бош мураббийи Гарет Саутгейт 31 ёшли посбонни терма жамоанинг кенгайтирилган таркибига киритмади.

Эслатиб ўтамиз, инглизлар мусобақанинг гуруҳ босқичида Бельгия, Панама ва Тунис терма жамоаларига қарши кураш олиб боришади.