Indoneziya Olimpiya o‘yinlariga mezbonlik qilishi mumkin

Osiyo o‘yinlarini muvaffaqiyatli o‘tkazgan Indoneziya endi Olimpiadaga mezbonlik qilishi mumkin. Bu haqda mamlakat prezidenti Joko Vidodo XOQ prezidenti Tomas Bax bilan uchrashuvda ma’lum qildi.

- Osiyo o‘yinlarida to‘plangan yuqori tajribadan so‘ng ishonchimiz komilki, biz bundan-da yirikroq musobaqalarga ham mezbonlik qilishimiz mumkin. Ishonamizki, bizda 2032 yilgi Olimpiadani o‘tkazish uchun barcha sharoitlar etarli, - deydi Vidodo o‘z nutqida.

Qayd etish lozim, 2032 yilgi Olimpiadani o‘tkazish uchun ayni paytda Hindiston, Xitoy va Avstraliya kabi mamlakatlar ham da’vogar hisoblanishadi.