Fyuri Yangi Zelandiyada chempionlik kamarlarini oilasiga qaytarishga harakat qiladi

Yangi zelandiyalik og‘ir vaznli bokschi Jozef Parker (22-0, 18 KO) promouterlik kompaniyasi DUCO Events Group ushbu vaznda WBO versiyasti bo‘yicha bo‘ladigan titul jangi huquqini yutib oldi.

Promouterlik savdolari vaqtida u britaniyalik bokschi Xyui Fyuri (20-0, 10 KO) jamoasidan ustun keldi. Endi bu bokschilar o‘rtasidagi jangdan tushadigan mablag‘ 60/40 ko‘rinishida bo‘linadi.

Jang 1 aprel kuni Yangi Zelandiyadagi gala-shou arafasida o‘tkaziladi.

Jozef Parker uchun Xyui Fyuri bilan bo‘ladigan jang birinchi himoya jang hisoblanadi. U o‘tgan yili dekabrda Endi Ruisga qarshi jangda qo‘lga kiritgan. Britaniyalik Xyui Fyuri esa ushbu titulga asosiy da’vogar sifatida ringga ko‘tariladi va chempionlik titullarini oilasiga qaytarishga harakat qiladi.

Eslatib o‘tamiz, ushbu kamarga oldinroq Xyuining amakisi Tayson Fyuri egalik qilib kelayotgan edi, biroq u bu titullardan voz kechgan edi.