"Фулхэм" ўз сафига "Арсенал" футболчисини қўшиб олди

Лондоннинг "Арсенал" клуби ҳимоячиси Калум Чемберс фаолиятини "Фулхэм"да давом эттиришга яқин турибди. Бу ҳақда Daily Mail нашри хабар бермоқда.

Унга кўра маълум муддатли танаффусдан сўнг яна АПЛга қайтган "Фулхэм" 23 ёшли футболчининг трансфери борасида “канонирлар” билан келишувга эришган. Чемберс бугун янги жамоасида тиббий кўрикдан ўтади ва шартнома имзолайди.

Маълумот учун, Чемберс ўтган мавсум “Арсенал” сафида жами 25та ўйинда майдонга тушган.