"Bavariya" yozda ayrim etakchilarini sotib yubormoqchi

Myunxenning "Bavariya" klubi o‘zining bir nechta yoshi o‘tib qolgan etakchi futbolchilari bilan xayrlashishni rejalashtirmoqda. Bu haqda Bayern&Germany nashri xabar tarqatmoqda.

Unga ko‘ra nemis grandi joriy mavsum yakuniga etgach himoyachilar Jerom Boateng va Mats Xummels, yarim himoyachi Xavi Martines hamda hujumchi Tomas Myullerni transferga qo‘ymoqchi.

Eslatib o‘tamiz, bundan avvalroq “Bavariya” rahbariyati bosh murabbiy Niko Kovach o‘rniga Arsen Vengerni olib kelmoqchi ekanligi haqida xabarlar tarqalgan edi.