"Барселона" Боатенгнинг хизматларига жиддий қизиқиш билдира бошлади

Италиянинг "Сассуоло" клуби ярим ҳимоячиси Кевин-Принс Боатенг тез орада жамоасини ўзгартириши мумкин. Бу ҳақда италиялик машҳур журналист Жанлуки Ди Марцио хабар бермоқда.

Унга кўра 31 ёшли ганалик футболчининг хизматларига “Барселона” қизиқиб қолган. Каталонияликлар раҳбарияти ушбу футболчи жамоа ўйинини кучайтиришига ишонмоқда.

Маълумот учун, Боатенг жорий мавсум “Сассуоло” сафида жами 13та ўйинда майдонга тушди ва ўз ҳисобига 4та гол ёздириб қўйишга эришди.

Эслатиб ўтамиз, Боатенг учун Ла Лига бегона эмас. У ўз вақтида "Лас-Пальмас" шарафини ҳимоя қилган.