Andijonda badiiy gimnastika bo‘yicha viloyat chempionati bo‘lib o‘tdi

Joriy yilning 17 oktyabr kuni Andijon viloyati Xo‘jaobod tumani Bolalar-o‘smirlar sport maktabi zalida 2006-2012 yillarda tug‘ilgan qizlar o‘rtasida viloyat chempionati o‘tkazildi.

Qizg‘in va murosasiz kechgan bellashuvlarda viloyatning 15ta shahar-tumanidan iqtidorli gimnastikachi qizlar ishtirok etishdi. Musobaqa yakunlariga ko‘ra esa umumjamoa hisobida Andijon shahri jamoasi birinchi o‘rinni, Ulug‘nor tumani ikkinchi o‘rinni, mezbon Xo‘jaobod tumani esa uchinchi o‘rinni egalladi.

Musobaqa g‘olib va sovrindorlari tashkilotchilar tomonidan diplom va esdalik sovg‘alari bilan taqdirlanishdi.