Аллегри "Ювентус"нинг асосий рақобатчиси кимлигини маълум қилди
“Ювентус” клуби бош мураббийи Массимилиано Аллегри “Наполи”ни Турин жамоасининг биринчи рақамли рақиби дея эътироф этди. Унинг фикрича, неаполликларга қарши ўйин оғир кечади.
– Кучли рақибларга қарши ўйин оғир кечади, – дея Аллегрининг сўзларини келтиради Football Italia нашри. – Анчелотти ҳотиржам, у жамоасига ҳам шуни бермоқда. “Наполи” – “Ювентус”нинг энг ашаддий ва биринчи рақибларидан. Бу асосий рақобатчилардир, аммо олдинда яна кўплаб ғалабалар бор.
“Наполи” ва “Ювентус” учрашуви “А” серия 7-тур доирасида бўлиб ўтади. Ўйин 29 сентябр куни Туринда ташкил этилади.
Фикрлар