Златко Далич: "Модрич — биз учун лидер ва йўналиш кўрсатувчи"

Хорватия миллий терма жамоаси бош мураббийи Златко Далич Лука Модричнинг сўнгги ўйинлари ҳақида фикр билдирди. Яқинда "Милан"нинг марказий ярим ҳимоячиси Хорватия терма жамоаси учун Колумбияга қарши (2:1) бўлиб ўтган ғалабали ўртоқлик учрашувида иштирок этди.

"У бизнинг капитанимиз, йўналиш кўрсатувчимиз ва лидеримиз. У кўп марта ҳисобдан чиқарилган, аммо у нотакрор ва ўзига хос. Умид қиламанки, у бизга Жаҳон чемпионатида катта муваффақиятларга эришишда ёрдам беради", — деди Далич.

Ҳозирги мавсумда 40 ёшли Модрич барча турниларда 32 та ўйин ўтказиб, иккита гол ва учта ассист қайд этди. Кейинги мундиал гуруҳ босқичида хорватлар Англия, Гана ва Панама терма жамоаларига қарши баҳс олиб боради.