Зафармурод Абдураҳматов: “Керакли бўлган 3 очкони қўлга кирита олмадик”

Суперлиганинг 11-туридан ўрин олган “Насаф” — “Навбаҳор” учрашувида ҳисоб очилмади — 0:0. Беллашувдан сўнг қаршиликлар футболчиси Зафармурод Абдураҳматов ўз фикрлари билан ўртоқлашди.

— "Яхши жамоага қарши яхши ўйин бўлди. Бугунги баҳсда айрим футболчиларнинг жароҳатлари ва қизил карточкалар сабаб бироз қийналдик. Шу боис ўзимизга керакли бўлган 3 очкони қўлга кирита олмадик. Янада кўпроқ меҳнат қилишимиз керак. Терма жамоа эшиги ҳам, клуб эшиги ҳам доимо очиқ".

— Терма жамоа ҳақида айтдингиз, бу борада сизга қандайдир хабар келдими?

— "Йўқ, ҳозирча бизда ҳеч қандай маълумот йўқ".

— Кутяпсизми?

— "Ҳа, кутяпмиз. Бўлса, Худодан".

— “Насаф” биринчи даврани қандай ўтказди?

— "Яхши бошлаган эдик, лекин ўртада айрим футболчиларни йўқотганимиз сабаб кўп очко йўқотиб қўйдик".