“Ювентус” Шомуродовнинг янги устозига катта кетгани фош бўлди
- 15-июн 2025, 17:46
- Zohir Toshxo’jayev
- 1
- Футбол
“Аталанта”ни тўққиз йил бошқрган машҳур мураббий Жан Пьеро Гасперини фаолиятини Римда давом эттирадиган бўлиб, Клаудио Раньеридан “Рома”ни қабул қилиб олди.
Тажрибали мутахассисга бошқа клублардан, хусусан “Ювентус”дан ҳам чорлов бўлган. Маълум бўлишича, Гасперинига Турин суперклуби бош менежери Дамьен Комоллининг такаббурлиги ва муомаласи ёқмаган.
Журналист Сандро Сабатинининг айтишича, Комолли Гасперинига қўнғироқ қилиб, “Мени “Ювентус” нега айнан сени бош мураббий сифатида танлаши кераклигига ишонтир”, деган.
Гасперини бу муомалага жавобан “Менга сен қўнғироқ қилдинг, бу акси бўлгани йўқ”, деб жавоб қайтарган ва мулоқотни тўхтатган.
Шундан сўнг 67 ёшли мураббий “Рома” таклифини қабул қилди. Гасперини римликлар билан 2028 йилнинг ярмигача давом этадиган шартнома имзолади.
Энди “Рома”нинг барча футболчилари қатори Ўзбекистон миллий терма жамоаси ҳужумчиси Элдор Шомуродов ҳам янги мураббийга нималарга қодирлигини кўрсатиши талаб этилади.