Юқори лигани тарк этган иккинчи жамоа номи маълум бўлди

Испания чемпионати якунланишига икки тур қолганида Ла Лигани тарк этган иккинчи жамоа номи ҳам маълум бўлди. Аввалроқ, чемпионат аутсайдери “Вальядолид” юқори дивизиондаги жойини сақлаб қола олмаслигини аниқ бўлиб улгурганди.

36-турда “Лас-Пальмас” футболчилари Андалусияга сафар қилиб, “Севилья” меҳмони бўлди. Бу баҳсда Паскуалнинг ягона голи мезбонларнинг ғалабасини таъминлади.

Мағлубиятдан кейин “Лас-Пальмас” 32 очко билан мусобақа жадвалида 19-ўринда қолди. Хавфли ҳудуднинг қирғоғи – 17-ўринда турган “Алавес” мураккаб учрашувда   “Валенсия”дан кичик ҳимобда устун келди ва очколарини 38 тага етказиб, Ла Лигада қолиш масаласини ҳал қилди.

Айнан мана шу ўйиндаги натижа “Лас-Пальмас”ни қуйи лигага равона қилди. Испаниянинг энг кучли йигирма жамоаси мусобақасида икки йил қатнашган Канар ороллари жамоаси энди келаси мавсум Сегундада қатнашади.