Юлиан Нагелсман: "Жамоа ўзига мутлақо ишонади"

Германия миллий терма жамоаси бош мураббийи Юлиан Нагелсманн Нидерландия билан ўйин натижаларини сарҳисоб қилди.

Немислар Миллатлар лигаси гуруҳ босқичининг 2-тур учрашувида "учар голландлар" билан 2:2 ҳисобидаги жанговар дурангга имзо чекишди.

"Умуман олганда, бу жуда қизиқарли ўйин бўлди. Ҳар икки жамоанинг ҳимояси бироз заиф эди. Биз ҳужумда кучлироқ бўлдик ва кўпроқ таваккал қилдик. Ажойиб тарзда қайта олдик ва иккита гол урдик. Якунда яна пешқадамликни қўлга киритишга яқин қолдик.

Жамоа ўзига ишонади, асосийси шу. Бугун жамоа навбатдаги ғалаба учун майдонга тушганди. Бу айнан биз кўрмоқчи бўлган нарсадир. Биз келажакда муваффақиятли бўлишга интиламиз", - деди Юлиан Нагелсманн.