Ёш вундеркиндни 12 тадан ортиқ клуб ижарага олмоқчи

Турли мамлакатлар лигаларининг 12 тадан ортиқ клуби «Арсенал» ярим ҳимоячиси Макс Доуманни мавсумнинг иккинчи қисмида ижарага олиш масаласида сўров юборди.

Сентябрь ойи бошида «Арсенал» бош мураббийи Микель Артета Доуман қишки трансфер ойнасида ижарага кетиши мумкинлигини тасдиқлаган эди.

Артета Доуманнинг «Арсенал» асосий жамоасида мунтазам ўйин амалиётига эга бўлиш имкониятлари жуда юқори рақобат сабаб чекланганини тушунади. Шунинг учун бошқа клубга ижарага бериш 16 ёшли англиялик футболчининг ривожланишини давом эттиришига ёрдам берадиган мантиқий қарор сифатида кўрилмоқда.

Артетанинг оммавий баёноти Премьер-лига, Чемпионшип ва Лига 1 клублари ўртасида катта қизиқиш уйғотди. Улар «Арсенал» вундеркиндини ижарага олиш учун навбатга турди.

Масалан, «Ковентри» Доуманга Премьер-лигада ўйин амалиётини таъминлашга тайёр. Чемпионшипда эса Максни «Бёрнли», «Норвич» ва «Вулверхэмптон» клублари ўз сафида кўришни истайди.

Лига 1да Доуманга «Арсенал»нинг собиқ футболчиси Жек Уилшир бошқараётган «Лутон» даъвогарлик қилмоқда.

TEAMtalk қўшимча қилишича, Доуманга қизиқиш Англия билан чекланмайди. Шотландиянинг «Селтик» ва «Рейнджерс» клублари ҳам Максни ижарага олишни хоҳламоқда.