Европалик мураббий Ўзбекистоннинг сенсацион ғалабасига қандай муносабат билдирди?

Дания ва Шотландия шарафини ҳимоя қилган гроссмейстер, машҳур шахмат мураббийи ва китоблар муаллифи Якоб Огард Самарқандда ўтаётган 2026 йилги Жаҳон шахмат олимпиадасининг олтинчи турида Ўзбекистон терма жамоасининг Ҳиндистон устидан қозонган ғалабасига муносабат билдирди.00

Ўзбекистон шахматчилари муҳим учрашувда 2,5:1,5 ҳисобида зафар қучди. Биринчи, иккинчи ва тўртинчи доскаларда беллашувлар дуранг билан якунланди. 

Учрашув тақдирини эса учинчи доскада ўйнаган Нодирбек Якуббоев ҳал қилди — у Нихал Саринни мағлуб этиб, мезбон жамоага ҳал қилувчи очкони олиб келди.

«Менга бундай дўстона рақобат жуда ёқади. Бугунги натижа ўзбекистонликлар учун катта ғалаба бўлди: гуруҳда учинчи бўлиб ўйнаган Якуббоев Нихални юта олди. 

Энди кўрамиз, Қосимжонов 2022 йилда турнирни ютганларида Соколов қилганидек, “Бермуд кечаси”ни тақиқлайдими-йўқми...», — деб ёзди Огард X ижтимоий тармоғида.

Олти турдан сўнг Ўзбекистон терма жамоаси 12 очко тўплаб, очиқ секцияда турнир жадвалида якка ўзи пешқадамлик қилмоқда. Ҳиндистон термаси эса 10 очко билан еттинчи поғонада бормоқда.