Январда барбод бўлган супертрансферлар

Европанинг етакчилар лигаларида қишки трансфер ойнаси расман ёпилди. Сўнгги ойда клублар кўплаб қизиқарли ўтишларни амалга оширишди, аммо барбод бўлган трансферлар ҳам бор.

Уларнинг энг йириклари билан танишинг.

Марк Гехи ва Антуан Семеньо

Бу икки футболчи ҳам “Ливерпуль”га ўтишга жуда яқин эди, аммо сўнгги паллада уларни “Манчестер Сити” илиб кетди. Гехи ва Семеньо “Манчестер Сити” сафида муваффақиятли дебют қилди ва дарҳол асосий таркибдан жой олди. Икки футболчи учун клуб 100 миллион евродан сал кўпроқ маблағ сарфлади.

Дарвин Нуньес

Ўтган ёзда “Ливерпуль”дан Саудия Арабистонининг “Ал-Ҳилол” клубига ўтган Нуньес бу қишда Европага қайтиши мумкин эди. 26 ёшли форвардни Туркиянинг “Фенербахче”си кутаётган эди, аммо қандайдир сабабларга кўра битим амалга ошмади.

Жан-Филипп Матета

Қишки трансфер ойнаси давомида “Кристал Пэлас” ҳужумчисини кўплаб клублар, жумладан “Манчестер Юнайтед”, “Тоттенхэм”, “Ноттингем Форест” ва “Ювентус” қўлга киритишга уриниб кўрди. Аммо ҳеч бири 28 ёшли француз билан келиша олмади. Трансфер ойнаси ёпилиши арафасида “Милан” Матетани 30 миллион евро эвазига сотиб олишга жуда яқин келди, аммо футболчи тиббий кўрикдан ўта олмади.

Леон Горецка

“Бавария”нинг 30 ёшли ярим ҳимоячисига Лондоннинг “Арсенал” жамоаси жиддий қизиқиш билдирди. “Тўпчилар” Микель Меринони узоқ муддатга йўқотган эди ва Горецкани тезда қўлга киритишга тайёр эди. Бироқ немис футболчиси баёнот бериб, “Бавария”ни фақат бу мавсумдан кейин тарк этишини айтди.

 бўлишини айтди. У шартномасини тўлиқ бажариб, 7,5 йил ўйнаган клубига ҳурмат кўрсатмоқчи.

Сандро Тонали

Трансфер ойнасининг сўнгги кунларида “Арсенал” 25 ёшли италиялик ярим ҳимоячини қўлга киритишга ҳаракат қилди, аммо битим амалга ошмади. Шунингдек, “Ювентус” ҳам Тоналини узоқ вақтдан бери олишни орзу қилиб келаётган эди. Бироқ Фабрицио Романо маълум қилишича, футболчи бу қишда “Ньюкасл”ни тарк этиш ҳақида ўйламаган, клуб ҳам уни қўйиб юборишни режалаштирмаган.