Янги мусобақа бошланди

Мамлакатимизда ёшларни спортга жалб қилиш, уларнинг спорт соҳасида юртимиз равнақини янада юксалтириши учун давлатимиз томонидан кўплаб имкониятлар яратилмоқда.

Айниқса, маҳаллаларда ёшлар ўртасида оммавий спорт мусобақаларини тизимли ташкил этиш орқали соғлом турмуш тарзи кенг тарғиб қилиняпти.

Хоразм вилоятининг Урганч шаҳрида жойлашган "Ёшлик" спорт мажмуасида спортнинг чим устида хоккей тури бўйича 14 ёшгача бўлган ўғил болалар ва қизлар ўртасида Ўзбекистон кубоги мусобақаси старт олди.

Мусобақада юртимизнинг барча ҳудудларидан келган 200 нафарга яқин спортчи ғолиблик учун майдонга тушади.

Ўйинлар жорий йилнинг 6 апрелига қадар давом этади.