Яна бир юлдуз Европадан Саудияга йўл олмоқда
- 8-март, 16:23
- Zohir Toshxo’jayev
- 0
- Футбол
Франциянинг “Марсель” клуби ва Англия миллий терма жамоасининг 24 ёшли ҳужумкор футболчиси Мэйсон Гринвуд жорий мавсум тугагач, Саудия Арабистонига ўтиш имкониятини кўриб чиқмоқда.
L'Equipe маълумотига кўра, футболчи Саудия Арабистони Профессионал лигаси клублари учун жуда муҳим нишонга айланган, чунки улар жаҳон футболининг машҳур юлдузларини ўз сафига қўшишга интилишмоқда.
Лига раҳбарияти Гринвудни ўз клубларидан бирига ўтказиш учун катта маблағ ажратишга тайёр. Ҳозирча футболчига қизиқиш билдирган аниқ клуб номи айтилмаган. Гринвуд атрофидаги вазиятни Испания ва Англиянинг етакчи клублари ҳам диққат билан кузатиб бормоқда.
“Манчестер Юнайтед” академияси тарбияланувчиси 2024 йилда 26 миллион евро эвазига “Марсель” билан шартнома имзолаган. Ушбу мавсумда у клуб сафида 37 та ўйинда иштирок этиб, 25 та гол урди ва саккизта голли узатмани амалга оширди. Гринвуднинг “Марсель” билан шартномаси 2029 йилнинг ярмигача амал қилади, Transfermarkt баҳосига кўра унинг бозор қиймати 50 миллион еврони ташкил қилади.