Яна бир суперклуб Серхио Рамосга эшигини очмади!

Жаҳон футболида энг зўр марказий ҳимоячилардан бўлган Серхио Рамос ҳали ҳам ўзига жамоа топа олмай юрибди. Мексиканинг “Монтеррей” клубида ўйнаб юрган пайтда 2026 йилги жаҳон чемпионатида иштирок этиш ғояси туғилган испан футболчиси ўз мақсадини амалга ошириш учун Европага қайтганди.

Бироқ ҳаммаси ҳам Рамос режалаштиргандек бўлиб чиқмади. 39 ёшли футболчи бир неча клублар билан музокара ўтказган бўлса-да, уларнинг бирортасини ҳамкорликка кўндира олмади.

Foot Mercato ва Radio Marca  каби манбалар хабарларига кўра, “Реал”нинг собиқ сардори  яқиндагина машҳур клубга ўз хизматини таклиф қилди. 39 ёшли Рамос “Марсель” раҳбарияти билан боғланиб, жамоа сафида ўйнаш истагини билдирган.

Бироқ “Марсель” хўжайинлари унинг бу таклифини қўллаб-қувватлади ва катта эҳтимол билан Серхионинг бу уриниши ҳам самара бермайди.

Бундан ташқари, Рамос мавсум охиригача бепул равишда “Севилья”да ўйнаш истагини ҳам билдирган, аммо андалусияликлар бунга рози бўлмади. Серхио айни пайтда ўзини тарбиялаган мазкур клубни сотиб олишга ҳаракат қилмоқда.