Испаниянинг амалдаги чемпиони “Барселона” ҳимоячиси Пау Кубарси йилнинг энг яхши ёш футболчисига топшириладиган “Golden Boy-2026” мукофотига даъвогарлар рейтингида биринчи ўринни эгаллади.
Бу ҳақда Испаниянинг Sport нашри хабар берди.
Энг зўр ёш футболчиларнинг янгиланган рейтингида 19 ёшли Кубарси жамоадоши Ламин Ямалдан 700 очкога илгарилаб кетган. Ямал бу мукофотни 2024 йилда қўлга киритган эди. Учинчи ўринда Мадриднинг «Реал» клуби янги футболчиси Ян Диоманде жой олган.
Энг кўп истеъдодли футболчилар Англия чемпионатида жамланган – 26 нафар. “Топ-100” даги вакиллари сони бўйича эса беш нафар футболчиси билан «Порту» етакчилик қилмоқда.
“Golden Boy-2026” мукофоти 26 октябрь куни Лондонда топширилади. Мукофотга 2006 йил ва ундан кейин туғилган ҳамда Европанинг энг кучли 25 чемпионатида тўп сураётган футболчилар даъвогарлик қилади.