Ямал Шакиранинг уйига боради

“Барселона”нинг 18 ёшли юлдузи Ламин Ямал ёзда клуб билан узоқ муддатли ҳамкорлик шартномасини имзолаганидан кейин энг катта маош оладиган ўйинчилар қаторига қўшилди.

Ямал энди ўзига уй-жой сотиб олишга қарор қилди. Sport.es сайтининг ёзишича, Ламин илгари “Барселона”нинг собиқ футболчиси Жерар Пике ва таниқли хонанда Шакира бирга яшаган ҳашаматли уйни харид қилишга қарор қилган.

Яна бир манба – El País нашри берган маълумотга кўра, Ямал янги уйида севгилиси Ники Николь билан бирга яшашни мўлжаллаяпти.

Агар унинг режаси амалга ошса, Ламин Ямал жамоадошлари Алехандро Бальде ва Рональд Араухо билан қўшни бўлади.