Ямал Мбаппе ва Рафиньянинг қайси сифатига ҳавас қилишини айтди

«Барселона» ҳужумчиси Ламин Ямал жамоадоши Рафинья ва Мадриднинг «Реал» клуби ҳужумчиси Килиан Мбаппенинг қайси сифатига ҳавас қилиши ҳақида гапирди.

- Бошқа футболчиларда сиз ҳавас қиладиган қандайдир сифат борми? Масалан, Мбаппенинг тезлигига?

- Ҳа, менимча, Мбаппе ва Рафинья бу жиҳатда мен ўрнак оладиган икки футболчи. Машғулотларда Рафинья тўпни олдинга узатиб, кейин шундай тезликда югурадики, уни ҳатто уч кунда ҳам қувиб етиб бўлмайди. Мбаппеда ҳам худди шундай. Иккаласи ҳам жуда тезкор футболчилар.

Мен ва Педри жуда тезкор футболчилар эмасмиз ва доимо «агар уларнинг тезлиги бизда ҳам бўлганида, бутун футболдан ёруғлик йиллари олдинда бўлар эдик», деб гаплашамиз. Мбаппе ва Педрининг тезлигини тасаввур қилинг. Педри шундай футболчига айланган бўлардики... Демоқчиманки, ҳеч ким ундан тўпни тортиб ололмасди.

Менимча, футболда тезлик энг катта аҳамиятга эга. Охир-оқибат, агар мен сендан тезроқ бўлсам, доимо биринчи бўлиб керакли жойга етиб бораман ва гол ураман,- дея Ямалнинг сўзларини Movistar келтиради.