Хосе Бенавидес: "Дэвид Бенавидес ва Артур Бетербиев жанги ноябрда ўтказилиши мумкин"

Ярим оғир вазн тоифасида (79,4 кг) WBC чемпиони Дэвид Бенавидеснинг отаси ва мураббийи Хосе Бенавидес ўғлининг россиялик Артур Бетербиевга қарши эҳтимолий жанги ҳақида гапирди.

"Биз Бетербиевга қарши тўқнашувга аллақачон рози бўлдик. Умид қиламан, бир кун, албатта, Дмитрий Бивол билан баҳс ҳам бўлиб ўтади. Бироқ аввал Артурни йўлдан олиб ташлаш зарур. Агар Энтони Ярд жароҳат олса, у ҳолда Бетербиев билан жанг ноябрдаёқ ўтказилиши мумкин", — деди Бенавидес "MillCity Boxing" YouTube каналига берган интервьюсида.

Эслатиб ўтамиз, 22 ноябрь куни Саудия Арабистонининг Ар-Риёд шаҳрида Дэвид Бенавидес (30-0, 24 КО) британиялик Энтони Ярд(27-3, 24 КО)га қарши чемпионлик камарини ҳимоя қилади.