Хорижлик футболчилар Файзуллаевга қандай баҳо берди?
- 26-май 2024, 21:01
- Zohir Toshxo’jayev
- 0
- Футбол
Аббосбек Файзуллаев Россия Премьер-лигасининг энг зўр футболчилари қаторига киради. Легионер сифатида дебют мавсумини юқори даражада ўтказаётган ҳамюртимизнинг иқтидорини футболчиларнинг ўзи ҳам эътироф этмоқда.
Sports.uz портали ПРемьер-лига иштирокчиларининг Аббосбек Файзуллаев ҳақидаги фикрларини ўзбекистонлик мухлислар эътиборига ҳавола этади.
Кирилл Глебов, ЦСКА ярим ҳимоячиси:
Мен учун Аббосбек Файзуллаев мавсумнинг ҳақиқий кашфиёти. У ажойиб футболчи. Ўзининг камтаргина жисмоний кўрсаткичларига қарамай, майдонда қилаётган ишлари шунчаки “даҳшат”!
Файзуллаевнинг тўп узатиш маҳорати жуда юқори даражада.
Унинг асосий ютуғи кучли техникаси ва майдонни яхши кўра олиш қобилиятидир. Яъни, у тўп билан зўр ишлайди, яхши қабул қилади, аниқ пас беради, рақибни алдаб ўтади ва ўзи ҳам гол ура олади. Бугунги кунда унга қарши ўйнаш жамоалар учун жуда оғир. Жуссаси кичкина бўлганига қарамай, тезкор, ҳамма жиҳатларни ўзида мужассам этган.
Виктор Давила, ЦСКА легионери:
Аббосбек Файзуллаев мавсум кашфиёти, деган фикрларга тўлиқ қўшиламан. Ҳаммамиз унинг зўр ўйинчи эканини биламиз. Аббос буни ўйиндан ўйинга кўрсатиб келяпти. Унинг майдонда амалга ошираётган ишларидан барчамиз баҳраманд бўляпмиз.
Ўзбек футболчисининг кучли томони тўп билан зўр ишлаши ва серҳаракат эканида. Унинг жамоа ҳужумлари муҳим ўйинчи эканини алоҳида эътироф этмасликнинг иложи йўқ.
Бундан ташқари, Файзуллаев жамоамиздагиларни ажойиб голли паслар билан таъминлаб келяпти.
У ҳозир 20 ёшда ва бутун фаолияти ҳали олдинда. Аббос ҳали янада кучаяди. Қадам-бақадам ўсяпти, тажриба тўплаяпти. Яқин йилларда ҳар қандай жамоанинг энг муҳим ўйинчисига айлана олади.
Файзуллаев жорий мавсумда Россия Премьер-лигасида 21 та учрашувда тўртта гол ва еттита ассист муаллифи бўлди. Россия кубогида ўн маротаба майдонга тушиб, ўз ҳисобига битта гол ва учта ассист ёздириб қўйди.
Ўтган йили август ойида "Пахтакор"дан трансфер қилинган футболчимизнинг нархи бир неча баравар кўтарилиб, бугунги кунда 5 миллион еврони ташкил қилмоқда.
Файзуллаевнинг режалари қандай?
Машҳур мураббий ўзбек футболини Қозоғистонникидан устун қўйди
Файзуллаев: Нималар деяпмиз, ҳеч қачон спиртли ичимлик ичмаганман!
Бу мағлубият Файзуллаев учун аламли бўлди
Файзуллаев кутилмаган "синов"ни қандай енгиб ўтди?