Холандга “Сити”да янги вазифа юкланади

“Манчестер Сити”нинг бўлажак бош мураббийи Энцо Мареска 31 ёшли ярим ҳимоячи Бернарду Силва жамоани тарк этганидан кейин янги сардорни танлаш устида иш олиб бормоқда.

City Xtra хабарига кўра, ҳозирда Маресканинг рўйхатида сардорлик учун уч нафар асосий номзод бор: Рубен Диаш, Родри Эрнандес ва Эрлинг Холанд. Уларнинг барчаси жамоа кийиниш хонасидаги асосий етакчилар сифатида баҳоланмоқда.

Мареска яқин кунларда якуний қарорни қабул қилади.

Ўтган мавсум Англия Премьер-лигасида «Манчестер Сити» 38 турда 78 очко тўплаб, мусобақани иккинчи ўринда якунлади. Жамоа чемпион бўлган «Арсенал»дан етти очко орқада қолди.