Холанд ўзига янги жамоа танлади
- 15-апрел, 08:28
- Zohir Toshxo’jayev
- 0
- Футбол
“Манчестер Сити”нинг норвегиялик голеадори Эрлинг Холанд «Барселона»га қўшилишга қатъий қарор қилган. Бу ҳақда Topskills Sports UK хабар бермоқда.
Манба маълумотига кўра, Холанд фаолиятини “Барселона”да давом эттиришни истайди ва ёзда келиб тушадиган бошқа барча таклифларни рад этиш ниятида.
Ҳужумчи ҳозирча каталонияликлар унинг трансферини амалга ошира олмаслигини тушунади, шунинг учун трансфер 2027 йилнинг ёзида юз беришига умид қилмоқда.
Таъкидлаш жоизки, “Барселона”нинг ашаддий рақиби – “Реал” президенти Флорентино Перес ҳам 25 ёшли тўпурарнинг мухлиси ҳисобланади. “Қироллик клуби” хўжайини ўз жамоаси ҳужум чизиғида Килиан Мбаппе ва Эрлинг Холанд тандемини ташкил этишни анчадан бери орзу қилиб келади.
Жорий мавсумда Холанд барча мусобақаларда 44 та ўйин ўтказиб, 33 та гол урди ва 7 та голли узатма берди.
Норвегиялик футболчининг “Манчестер Сити” билан шартномаси 2034 йилгача амал қилади. Transfermarkt мутахассислари ҳужумчининг қийматини 200 миллион евро деб баҳолашмоқда.